Thursday, September 21, 2006

வெளித்தோற்றம்

நம்முடைய சமுதாயத்தில் ஒவ்வொரு மனிதனையும் அவனுடைய வெளித்தோற்றத்தை வைத்துத்தான் எடைபோடுகிறோம்.

சற்று எடுப்பாக உடை உடுத்தியிருந்தால் அவனை ‘ரொம்ப ஷோ காட்டுறான் பார்’ என்பார்கள். எளிய கோலத்தில் இருந்தால் ‘சரியான கஞ்சப் பய. பதவிக்கேத்தா மாதிரி ட்ரெஸ் பண்றானா பார்’ என்பார்கள்.

சட்ட திட்டங்களுக்கு கட்டுப்பட்டுத்தான் நடப்பேன் என்றால் ‘சரியான பயந்தாங்குள்ளி, பிழைக்கத் தெரியாதவன், வளைந்துக் குடுக்க தெரியாதவன்.’ என்பார்கள். ப்ராக்டிக்கலாக நடந்துக்கொள்ள முயன்றால் ‘ஃப்ராடு பய. எவ்வளவு வாங்கினானோ யாருக்குத் தெரியும்.’ என்பார்கள்.

இது இன்று நேற்றல்ல, காலங்காலமாய் நடந்து வந்ததுதான்.

ஏசுவுக்கு முன் வந்த ஞானிகளும், தீர்க்கதிரிசிகளும் உண்ணா நோன்பிருந்து இறைவனுடைய வார்த்தைகளைப் போதித்தபோது பைத்தியக்காரர்கள் என்று புறக்கனித்தார்கள். ஏசு தன்னுடைய சீடர்களுடன் சேர்ந்து ரொட்டி துண்டுகளையும் மீன் துண்டுகளை தானும் உண்டு தன்னுடைய போதனைகளை கேட்க திரண்டு வந்தவர்களும் பகிர்ந்தளித்தார். அவரை போசனப் பிரியன் என்றார்கள்.

ஆக ஒருவருடைய வெளித்தோற்றத்தையும் அவருடைய சொல்லையும், செயலையும் வைத்தே நாம் ஒருவரை எடைபோடுகிறோம்.

ஏனெனில் உள்ளத்தில் மறைந்திருக்கும் எண்ணங்களை நம்மால் அறிய முடிவதில்லை.

இறைவனால் மட்டுமே அது இயலும்.

நான் நல்லாவன் என்று நம்மால் யாரை வேண்டுமானாலும் நம்ப வைக்க முடியும்.

சிலரை பல நேரங்களிலும் பலரை சில நேரங்களிலும் ஏமாற்ற முடியும், ஆனால் எல்லாரையும் எப்போதும் ஏமாற்றிக் கொண்டிருக்க முடியாது என்பது உண்மையாயிருக்கலாம்.

ஆனால் இறைவனை, நம் உள்ளத்தை உள்ளங்கை நெல்லிக்கனியாக அறிந்திருக்கும் இறைவனை, ஏமாற்றவே முடியாது..

இறைவன் என்றொருவர் இல்லையென்று வேண்டுமானால் நம்மை நாமே ஏமாற்றிக்கொள்ளலாம்..

ஆனால நம்மால் இறைவனை ஏமாற்ற முடியாது..

சிந்திப்போம்..

2 comments:

துளசி கோபால் said...

"வாழ்ந்தாலும் ஏசும் தாழ்ந்தாலும் ஏசும்
வையகம் இதுதானடா"
இப்படி ஒரு பாட்டு இருக்குங்க.

tbr.joseph said...

வாங்க துளசி,

"வாழ்ந்தாலும் ஏசும் தாழ்ந்தாலும் ஏசும்
வையகம் இதுதானடா"//

சத்தியமான வார்த்தைங்க..

இப்படிப்பட்ட உலகத்துல வாழ்றவங்களுக்குத்தான் கடவுள் மேல நம்பிக்கை வேணும்னு நினைக்கிறேன்.

Post a Comment