Saturday, April 01, 2006

கிறிஸ்துவ கீதங்கள் - 7

கிறிஸ்துவ கீதங்கள் - 7

இன்றும் தியானப் பாடல்கள் வரிசையில் எனக்குப் பிடித்த இன்னுமொரு பாடலைப் பற்றி எழுதலாம் என்று நினைக்கிறேன்.

இறைவன் மனிதர்கள் மேல் வைத்திருக்கும் அன்புக்கு ஈடு இணையே இல்லை. நம் பெற்றோர் நம் மேல் வைத்திருக்கும் அன்புகூட சில நேரங்களில் குறையலாம். ஆனால் இறைவன் நம் மேல் வைத்திருக்கும் அன்பு என்றும் மாறாதது.

நாம் நம்முடைய சரீர இச்சைக்கு உட்பட்டு பாவத்தை நாடி, இறைவனை விட்டு வெகுதொலைவில் செல்ல நேர்ந்தாலும் இறைவன் நம்மை ஒருபோதும் மறப்பதில்லை. என்றாவது என் மகன்/மகள் மனந்திரும்பி வருவான்/ள் என்று தன் கருணைக் கண்களை நம்மீது வைத்து காத்திருக்கிறார்.

இக்கருத்துக்களை மையமாக வைத்து இயற்றப் பாடல் இது.

அம்மையப்பன் உந்தன் அன்பே நிரந்தரம்
மாறும் உலகில் மாறா உன் உறவே நிரந்தரம்
இம்மை வாழ்வில் மறுமை இருப்பது நிரந்தரம்
நான் மாண்ட பின்பும் உன்னில் உயிர்ப்பது நிரந்தரம்
நிரந்தரம் நிரந்தரம் நீயே நிரந்தரம்..

தாயின் அன்பு சேய்க்கு இங்கே நிரந்தரம்
தாயும் தந்தையும் எமக்கு நீயே நிரந்தரம்
தேயும் வாழ்வில் நம்பிக்கை நீயே நிரந்தரம் - நான்
சாயும் போது காப்பது நீயே நிரந்தரம்
நிரந்தரம் நிரந்தரம்..

செல்வங்கள் கொணரும் இன்பத்தில் இல்லை நிரந்தரம்
பதவியும் புகழும் தருவது இல்லை நிரந்தரம்
நிலைவாழ்வு என்னும் நிஜமான நீயே நிரந்தரம் - அதன்
விலையாக எனை நீ உன்னில் இணைப்பாய் நிரந்தரம்
நிரந்தரம் நிரந்தரம்..

Change is the only permanent thing in this world என்பார்கள்..

மாறாதது உலகில் எதுவும் இல்லை.. ஏழை பணக்காரன் ஆவதும், பணக்காரன் ஏழையாவதும், பாவி மனந்திரும்பி புண்ணியவான் ஆவதும், புண்ணியவான் சீர்கெட்டு பாவியாவதும் இயற்கை..

ஆனால் இவ்வுலகிலும் மறுவுலகிலும் என்றும் மாறாமல் நிரந்தரமாய் இருப்பது இறையன்பு ஒன்றே. அதுவே நிரந்தரம், நிரந்தரம், நிரந்தரம்.

நாம் இவ்வுலக வாழ்க்கையில் பெறும் பதவி, பொருள், புகழ் எல்லோமே நம்முடைய மரணத்திற்குப்பிறகு செல்லாக்காசாகிப் போகிறது.

ஆனால் நாம் இவ்வுலக வாழ்க்கையில் செய்யும் நற்செயல்கள், தானதர்மங்கள், நாம் அனுபவிக்கும் அவமானங்கள் யாவும் நம் மறுவுலக வாழ்விற்கு நாம் செய்யும் முதலீடு என்பதை உணரவேண்டும். மறுவுலக வாழ்வில் அது வட்டியோடு சேர்ந்து நம்மை வந்து சேரும்.

அவ்வுலக வாழ்வின் நாயகன் தான் இறைவன். இறைவனடியில் நாம் காணும் இன்பமே, அமைதியே நிரந்தரம், நிரந்தரம், நிரந்தரம்.

********

2 comments:

அடைக்கல ராசா said...

Dear Mr. Joseph, Thank you for your comments on Neeye Nirantharam. You may wonder why I should thank you. I am the proud producer of that cassette. It was released by me when I was in Dindigul. That song was written and composed by my brother - by choice - Fr. Thisai Gerry of Palayamkottai. This song has captivated the hearts of millions of Tamil christians and non-christians too. Thank you once again.

tbr.joseph said...

வாங்க ஃபாதர்,

அப்படியா. ரொம்ப சந்தோஷம். பாட்டு ரொம்ப நல்லா வந்திருக்கு. இசையும் அழகா, அமைதியா இருக்கு.

உங்களுக்கும் உங்களுடைய சகோதரருக்கும் என்னுடைய வாழ்த்துக்கள்.

Post a Comment